السلام عليكم انا احمد حمدى 1/1 :
انا بدرس فى منحة امريكية وفى مرة فى محاضرة جابولنا ورق مكتوب فيه "student's rights in Egypt" معناه حقوق الطالب المصرى المهم مطولش عليكم بعد مقريت شوية من الحقوق كالتعليم المجانى وكده فوجئت بكلمة بالبنط العريض مكتوب فيها "community service" وهى المشاركة المجتمعية والمفروض زى مقال الوزير ان المدرسة لازم يكون فيها مشاركة مجتمعية يعنى نلم شوية مننا ونشوف مثلا مشروع يساعد بلدنا وننزل نعمله فى اطار المدرسة والكلام ده طبعا واضح مفهوش كلام .
انا طبعا مش بعاتب حد دا المدرسين شايلنا فوق دماغهم واكتر وبيعاملونا زى ولادهم بالظبط بس بصوا على الحكاية الى حصلتلى ديه:
انا فى المنحة ديه كان فيه مشروع المشاركة المجتمعية وكان عبارة عن كورس انجليزى للاطفال
واما جه اليوم جيت انا متاخر للمكان الى كنا هندرس فيه ولقيت واحد جاى يتابعنا وكل الناس بتقولى اتفضل استلم
وبفتح الباب لقيت شباب فى 2 ث و3 ث وبيقولولى ازيك يا مستر طبعا انا زهلت بس اشتغلت معاهم والحمد لله هما شباب كويس خالص ولسه على تواصل لحد دلوقتى بس فلما خلص المشروع السفارة الكندية نزلت برنامج سفر لمدة كندا اسبوع واختارونى انا علشان كويس فى الكمبيوتر ولغتى كويسة وعلشان المشروع ده وسافرت.
شوفتوا ازاى من حاجة لحاجة اتنقلت وعليت كل ده علشان صورت استمارة التقديم للمنحة من بنت فى مدرسة تانى علشان مدرستنا القديمة مهتمتش انها تعرض علينا الفكرة
خلينى اسالكم سؤال:
فين بادر الى فى معظم مدارس اسيوط مدخلش عندنا المدرسة ليه؟؟؟؟؟؟؟؟؟؟؟
فين iearn المنظمة الى سافرت معاها كندا والى المفروض كان يبقى ليها مكتب فى المدرسة بس مفيش؟؟؟؟؟؟؟؟؟؟؟؟؟؟؟
احنا مش بنطالب بحاجات كتير احنا بس عايزين بيئة كويسة علشان نتعلم فيها.
